च्याम्पियन्स ट्रफीको पहिलो सेमिफाइनलमा भारत र अष्ट्रेलिया भिड्दै

काठमाडौं : च्याम्पियन्स ट्रफीको पहिलो सेमिफाइनलमा आज भारत र अष्ट्रेलियाबीच खेल हुँदैछ।

खेल दुबई अन्तर्राष्ट्रिय रंगशालामा नेपाली समयअनुसार दिउँसो २:४५ बजे सुरु हुनेछ। यहाँ दुवै टोली पहिलो पटक आमनेसामने हुनेछन्।

यी दुई टोली आईसीसी प्रतियोगिताको नकआउट चरणमा नवौं पटक आमनेसामने हुनेछन्। अघिल्ला भिडन्तहरूमा दुवै टोलीले ४-४ खेल ले जितेका थिए।

यी दुई टोली अन्तिम पटक २०२३ को एकदिवसीय विश्वकप फाइनलमा आमनेसामने भएका थिए, जहाँ अष्ट्रेलियाले भारतलाई उसकै घरेमु मैदानमा ६ विकेटले पराजित गरेको थियो।

हेड टु हेड
भारत र अस्ट्रेलियाबीच अहिलेसम्म १५१ एकदिवसीय खेल खेलिएका छन्। जसमध्ये भारतले ५७ जित्दा अस्ट्रेलियाले ८४ खेल आफ्नो पक्षमा पारेको छ। १० खेलमा कुनै नतिजा आएनन्।

दुबै टोली पहिलो पटक दुबईमा भिड्दैछन्। भारतले प्रतियोगितामा आफ्ना तीन वटै खेल यही मैदानमा खेलेको थियो। जबकि अष्ट्रेलियाले तीनवटै खेल पाकिस्तानमा खेलेको थियो।

आईसीसीले २ वटा एकदिवसीय प्रतियोगिता, विश्वकप र च्याम्पियन्स ट्रफी गर्छ। यी प्रतियोगिताहरूमा दुवै टोली १८ पटक भिड्दा भारतले ७ र अष्ट्रेलियाले १० पटक जित हासिल गरेको छन्। एउटा खेल भने अनिर्णीत रहेको थियो।

पिच रिपोर्ट
दुबईको पिच पहिले फास्ट बलरहरूका लागि सहयोगी हुन्थ्यो, तर च्याम्पियन्स ट्रफीमा स्पिनरहरूले पिचमा प्रभुत्व जमाएका छन्।

पहिलो इनिङमा पेसरहरूलाई फाइदा पुग्दा दोस्रो इनिङमा स्पिनरहरू बलिया देखिएका छन्। प्रतियोगिताको तीन खेलमा पहिले ब्याटिङ गर्ने टोलीले एक खेल जित्दा पछ्याउने टोलीले २ खेल जितेको छ।

यद्यपि, टोलीले दुबईको पिचमा टस जितेर पहिले ब्याटिङ गर्छ भने, यो फाइदामा हुन सक्छ। यहाँ प्रतियोगितामा कुनै पनि टोलीले २५० भन्दा बढी स्कोर गर्न सकेका छैनन्।

यस्तो अवस्थामा, यदि पहिले ब्याटिङ गर्ने टोलीले २६५ वा सोभन्दा बढी रन बनाएमा त्यो विजयी योगफल हुन सक्छ।

मौसम अवस्था
मंगलबार दुबईमा पानी पर्ने सम्भावना छैन। तापक्रम २१ देखि २९ डिग्री सेल्सियसको बीचमा रहनेछ। हावा प्रतिघण्टा २७ किलोमिटरको गतिमा चल्नेछ भने रातमा शीत पर्ने सम्भावना छैन।

फागुन २०, २०८१ मंगलबार १०:०६:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।