केपी ओली कपको फाइनलमा आयोजक सदस्यले दर्शक कुटे, प्रहरी मूक दर्शक
काठमाडौं : एमाले भातृ संगठन युवा संघ नेपालको आयोजनामा भएको केपी ओली कपको फाइनलमा आयोजककै सदस्यले दर्शक कुटेका छन्।
पार्टी अध्यक्ष ओलीको नाममा आयोजना गरिएको प्रतियोगितामा प्याराफिटमा बसेका दर्शकले ओली विरुद्ध बोलेको भन्दै आयोजककै सदस्यले दर्शक कुटे।
प्ररायु सङ्घको आयोजकका एक सदस्यले दर्शकलाई कुट्दै लात्ती हानेको भिडियो सामाजिक सञ्जालमा सार्वजनिक भएको छ। कोट अनि प्ररायु सङ्घको लोगो भएको गलबन्दी लगाएका व्यक्तिले दर्शक कुटेपछि अन्य दर्शकले बोल्न नि नपाउने, हात हाल्छस् भन्दै प्रतिवाद गरे।
एक दर्शकले उनलाई हुत्त्याए। विवाद भएपछि प्रहरी आयो। तर प्रहरीले दर्शक कुटपिटमा संलग्नलाई केही गरे। अहिले सो भिडियो आफ्नो सरकार भएपछि जे गरे पनि हुन्छ भन्दै टिकटकमा भाइरल भइरहेको छ।
त्रिपुुरेश्वरस्थित दशरथ रङ्गशालामा सम्पन्न फाइनल खेलमा विभागीय टोली त्रिभुवन आर्मी क्लबलाई हराउँदै मछिन्द्र फुटबल क्लबले तेस्रो केपी ओली कप पुरुष फुटबल च्याम्पियनसिपमा ह्याट्रिक गरेको थियो।
सोमबार भएको फाइनल खेलमा मछिन्द्रले विभागीय टोली त्रिभुवन आर्मी क्लबलाई २-० गोलअन्तरले पराजित गरेको थियो। जितसँगै मछिन्द्रले १५ लाख ११ हजार एक सय ११ तथा उपविजेता आर्मीले पाँच लाख पुरस्कार प्राप्त गर्यो।
फागुन २०, २०८१ मंगलबार ००:१७:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
