ओस्कर अवार्ड समारोह लस एन्जलसमा जारी, उत्कृष्ट अभिनेतामा टिमोथी र एड्रियन मुख्य दावेदार

एजेन्सी : अमेरिकाको लस एन्जलसमा ९७ औं ओस्कर अवार्डको घोषणा हुँदैछ। यस वर्ष ‘डेडपूल’ र ‘वोल्भरिन’बीचको जबरजस्त भिडन्त भएको छ।

फिल्म ‘इनसाइड आउट २’ले बक्स अफिसको रेकर्ड तोड्दा ‘जोकर’को सिक्वेलले उस्तै सफलता हासिल गर्न सकेन।

लस एन्जलसमा लागेको विनाशकारी वन डढेलोका कारण हजारौं मानिसहरूको घर नष्ट भएको कठिन परिस्थितिमा यस वर्षको ओस्कार आयोजना गरिँदैछ।

आजको कार्यक्रममा अहिलेसम्म कसले पाए यो अवार्ड?
अहिलेसम्म पल टेजवेलले पोशाक डिजाइनको लागि ओस्कर पुरस्कार प्राप्त गरिसकेका छन्। यो श्रेणीमा कुनै अश्वेत व्यक्तिले ओस्कर पुरस्कार पाएको यो पहिलो पटक हो।

यसैबीच, इरानी फिल्म निर्माताहरू हुसेन मोलेमी र शिरिन सोहानीले ‘द स्याडो अफ द साइप्रस’को लागि एनिमेटेड छोटो फिल्मको श्रेणीमा ओस्कर पुरस्कार प्राप्त गरेका छन्।

लाटभियन फिल्म ‘फ्लो’ले उत्कृष्ट एनिमेसनको श्रेणीमा यो अवार्ड पाएको छ। उसले ओस्कार जितेको यो पहिलो पटक हो।

सबैभन्दा धेरै मनोनयनहरू
अवार्डमा नेटफ्लिक्सको फिल्म ‘एमिलिया पेरेज’ले सबैभन्दा धेरै मनोनयन पाएको छ। ‘एमिलिया पेरेज’ पनि केही विधाहरूमा बलियो दावेदार हो।

अहिलेसम्म, एउटा मात्र स्ट्रिमिङ फिल्मले उत्कृष्ट फिल्मको अवार्ड जितेको छ। त्यो फिल्म एप्पलको ‘कोडा’ हो। उक्त फिल्म तीन वटा मनोनयनमा परेको थियो।

यसबाहेक, ‘द सबस्टेन्स’ नामक हरर फिल्म पनि उत्कृष्ट फिल्मको दौडमा छ। यो फिल्म उत्कृष्ट मेकअप र हेयरस्टाइलिङ श्रेणीमा बलियो दावेदार हो। 

‘अ कम्प्लिट अननोन’
टिमोथी चालमेटले यस वर्षको ओस्कारमा एड्रियन ब्रोडीलाई केही प्रतिस्पर्धा दिँदैछन्।

‘ड्यून’ र ‘वोन्का’ स्टार टिमोथी चालमेटले ‘अ कम्प्लीट अननोन’ फिल्ममा बब डिलनको भूमिका निर्वाह गरेकोमा धेरै प्रशंसा पाइरहेका छन्।

यसै कारणले गर्दा, टिमोथीलाई उत्कृष्ट अभिनेताको अवार्डको लागि ब्रोडी विरुद्ध मुख्य दावेदार मानिएको छ।

यदि टिमोथीले ओस्कर जिते भने, उनले ब्रोडीको जितको सिलसिला तोड्नेछन्। यससँगै, ब्रोडीको सबैभन्दा कान्छो सर्वश्रेष्ठ अभिनेता बन्ने रेकर्ड पनि टिमोथीको नाममा रहनेछ।

फागुन १९, २०८१ सोमबार ०८:०६:०१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।