राष्ट्रिय फुटबल टिमकी कप्तान एन्जिला ग्रिस गइन्

राष्ट्रिय फुटबल टिमकी कप्तान एन्जिला ग्रिस गइन्

काठमाडौँ : अन्तर्राष्ट्रिय महिला च्याम्पियनसिप फुटबल प्रतियोगिता खेल्न नेपाल आएकी राष्ट्रिय महिला फुटबल टोलीकी कप्तान  एन्जिला तुम्बापो सुब्बा ग्रिस गएकी छिन्।

एन्जिला व्यावसायिक फुटबल खेल्न ग्रिस प्रस्थान गरेकी हुन् । त्यहाँ उनले निस अट्रोमिटौबाट ग्रिक महिला ‘ए’ डिभिजन लिग खेलिरहेकी छन्।

त्रिभुवन अन्तर्राष्ट्रिय विमानस्थलमा अखिल नेपाल फुटबल सङ्घ (एन्फा)  प्रवक्ता सुरेश शाह, केन्द्रीय सदस्य पेमा डोल्मा लामा,  र महिला टोलीकी व्यवस्थापक विन्द्रा देवानलगायतले एन्जिलालाई बिदाइ गरे।

फागुन १४ गते भएको अन्तर्राष्ट्रिय महिला च्याम्पियनसिप खेल्न उनी नेपाल आएकी थिइन्। फाइनलमा नेपाल म्यानमारसँग २–० ले पराजित भएको थियो। प्रतियोगितामा यी दुई टोलीसँगै लेबनान र किर्गिस्तानको सहभागिता थियो।

फागुन १६, २०८१ शुक्रबार १७:४८:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।