‘सुशान्त केसी लाइभ इन नेपाल’ शीर्ष प्रायोजकमा शाओमी

काठमाडौं : आफूलाई ग्लोबल टेक्नोलोजी लिडर दाबी गर्दै आएको शाओमीले ‘सुशान्त केसी लाइभ इन नेपाल’ कन्सर्टको मुख्य प्रायोजन गरेको छ।

फागुन २४ शनिबार भक्तपुरको सल्लाघारी मैदानमा हुने कन्सर्टमा शाओमीको सहभागिताले म्युजिक लभर्सहरूलाई थप उत्साहित बनाएको कम्पनीको दाबी छ।

कन्सर्ट प्रयोजनका साथै शाओमी नेपालले हालै गायक केसी र नायिका आना शर्मालाई आफ्नो आधिकारिक ब्रान्ड एम्बेसडरको रूपमा नियुक्त गरेको छ।

इनोभेसन, सिर्जनशीलता र समुदायसँग नजिक हुने चाहनालाई प्राथमिकता दिँदै आएको कम्पनीले कन्सर्टलाई समर्थन गरेको हो।

सङ्गीत र प्रविधिलाई जोड्ने साझा विचार सहित बनेको शाओमी र सुशान्त केसीको सहकार्य नेपाली दर्शकसँग अझ नजिकिन महत्वपूर्ण कदम साबित हुने कम्पनीको विश्वास छ।

फागुन १६, २०८१ शुक्रबार १०:१३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।