नेपाल लाइफको ‘छुट्ला है छुट’ योजना सार्वजनिक
काठमाडौं : नेपाल लाइफ इन्स्योरेन्स कम्पनीले ‘छुट्ला है छुट’ योजना सार्वजनिक गरेको छ।
यो योजना अन्तर्गत नवीकरण बीमाशुल्क भुक्तानी नगरी १ सय ८० भन्दा धेरै दिन पार समय भएका बीमितहरूका लागि यो योजना ल्याइएको कम्पनीले जनाएको छ।
कम्पनीका अनुसार यस्ता बीमितहरूले १५ चैतदेखि आगामी १३ जेठसम्म नवीकरण बीमाशुल्क भुक्तानी गरी सुचारु गरेमा बीमालेख नवीकरण गर्दा लाग्ने विलम्ब शुल्कमा ५० प्रतिशत छुट प्राप्त गर्ने छन्।
कम्पनीका प्रमुख कार्यकारी अधिकृत प्रवीणरमण पराजुलीले कम्पनी २५औं वर्षमा प्रवेश गर्न लागेको अवसरमा यो योजना सार्वजनिक गरिएको बताए।
उनले बीमितहरूको हितलाई मध्यनजर गर्दै यो विशेष योजना एक पटकका लागि सार्वजनिक गरिएको बताए।
फागुन १६, २०८१ शुक्रबार ०९:१७:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
