गाँजाको शर्कोको आशमा पशुपति पुगेका ७५ जना प्रहरीको नियन्त्रणमा
काठमाडौँ : शिवरात्रिमा पशुपति क्षेत्र गएर गाँजा पिएर होहल्ला गरेको आरोपमा ७५ जना प्रहरी नियन्त्रणमा परेका छन्। उनीहरूमाथि प्रहरीले अवाञ्छित गतिविधि गरेको आरोप लगाएको छ।
प्रहरीले नियन्त्रणमा लिनुको कारण उच्छृङ्खल गतिविधि गरेको, गाँजा खाएर हो–हल्ला गरेको र अभद्र व्यवहार गरेको दाबी गरेको छ।
नियन्त्रणमा लिइएकाहरूलाई प्रहरीले प्रहरी वृत्त गौशाला र जिल्ला प्रहरी परिसर काठमाडौँमा राखेको छ। प्रहरी र पशुपति क्षेत्र विकास कोषले शिवरात्रिमा पशुपति क्षेत्रमा गाँजा तथा भाङको सेवन र विक्री वितरणमा प्रतिबन्ध लगाएको दाबी गरेको थियो। तर व्यवहारमा भने कार्यान्वयन गर्न सकेको देखिँदैन।
फागुन १४, २०८१ बुधबार १५:१४:०६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
