एडभान्स बुकिङमा ‘लाज शरणम्’ अगाडि

काठमाडौं : शिवरात्रिको सार्वजनिक बिदामा राम्रो व्यापार हुने आसमा एकै दिन तीन फिल्म रिलिज हुँदैछ। बुधवारबाट ‘लाज शरणम्’ ‘मायावी’ र ‘फेरि रेशम फिलिली’ रिलिज हुँदैछ।

यी तीनै फिल्मको अग्रिम बुकिङ समेत खुलिसकेको छ। तीन फिल्ममध्ये ‘लाज शरणम्’ को अग्रिम बुकिङ आक्रामक देखिन्छ।

कतिपय हलका शो मंगलबार दिउँसो नै हाउसफुल भइसकेका छन्। ललितपुरको लाविम महल, भक्तपुरको भाटभटेनीस्थित क्यूएफएक्स, बानेश्वरको आईएनआईलगायत हलका केही शो हाउसफुल देखिन्छन्।

यो चलचित्रलाई देशभर करिब दुई सय शो प्राप्त भएको छ। तुलनात्मक रूपमा अग्रिम बुकिङ जुन चलचित्रको राम्रो छ, अरूको शो घटाएर उसलाई हलहरूले शो थप्दै जान्छन्। अन्य दुई फिल्मको अग्रिम बुकिङ सन्तोषप्रद देखिन्न। मायावी सबैभन्दा कमजोर देखिन्छ।

फागुन १३, २०८१ मंगलबार २०:२८:१३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।