सुनको मूल्य पाँच सय रुपैयाँले बढ्यो

सुनको मूल्य पाँच सय रुपैयाँले बढ्यो

काठमाडौं : साताको तेस्रो दिन मंगलबार (आज) सुनको मूल्य बढ्दा चाँदीको घटेको छ।

सोमबारको तुलनामा आज सुन तोलाको पाँच सय रुपैयाँ बढ्दा चाँदी तोलाको १५ रुपैयाँ घटेको नेपाल सुनचाँदी व्यवसायी महासंघले जनाएको छ।

महासंघका अनुसार आज सुन तोलाको एक लाख ७१ हजार तीन सय रुपैयाँ कायम भएको छ। हिजो सुन तोलाको एक लाख ७० हजार आठ सय रुपैयाँ थियो।

त्यसैगरी आज चाँदीको मूल्य तोलाको एक हजार नौ सय ७० रुपैयाँ कायम भएको छ। हिजो चाँदीको मूल्य एक हजार नौ सय ८५ रुपैयाँ थियो।

फागुन १३, २०८१ मंगलबार ११:०४:१३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।