च्यापियन्स ट्रफीमा न्यूजिन्यान्ड विजयी भएसँगै एक खेल अगावै बाहिरिए पाकिस्तान र बंगलादेश

च्यापियन्स ट्रफीमा न्यूजिन्यान्ड विजयी भएसँगै एक खेल अगावै बाहिरिए पाकिस्तान र बंगलादेश

काठमाडौं : च्याम्पियन्स ट्रफीमा न्यूजिल्याण्ड ५ विकेटले विजयी भएसँगै आयोजक पाकिस्तान र बंगलादेश सेमिफाइनल दौडबाट बाहिरिएका छन्।

बंगलादेशले दिएको २३७ रनको लक्ष्य पछाएको न्यूजिल्याण्डले ४६ दशमलव १ ओभरमा ५ विकेट ग्माउदै लक्ष्य पूरा गरेको थियो।

न्यूजिल्याण्डको जितमा रचिन रविन्द्रले ११२ रनको शतकीय पारी खेलेका थिए भने टम लथामले ५५ रन बनाएका थिए। त्यस्तै डेभोन कोनवे ले ३० र ग्लेन फिलिपले अविजित २१ रन बनाएका थिए।

यसअघि बंगलादेशले पहिला ब्याटिंग गर्दै ५० ओभरमा ९ विकेट गुमाउदै २३५ रन बनाएको थियो।

बंगलादेशका लागि कप्तान नाजमुल हसन शान्तोले सर्बाधिक ७७ रन बनाएका थिए भने जाकर अलीले ४५, रिशाद होसैनले २६ र तान्जिद हसनले २४ रन बनाएका थिए।

त्यसैगरी न्यूजिल्याण्डका बलर माइकल ब्रसवेलले सर्बाधिक ४ विकेट लिए भने विल ओ रोउरकेले २ तथा माट हेनरी र कील जामिएसनले एक एक विकेट लिएका थिए।

यो जितपछि समुह ए बाट न्यूजिल्याण्ड २ खेलमा जित हासिल गर्दै सेमिफाइनलमा पुगेको छ भने आफ्ना दुवै खेल जितेको भारत पनि सेमिफाइनलमा पुगेको छ।

त्यस्तै समुह ए बाट पाकिस्तान र बंगलादेश बाहिरिएका छन्। अब समुह ए अन्तर्गत भारत र न्यूजिल्याण्ड तथा पाकिस्तान र बंगलादेशले आ-आफ्नो अन्तिम खेल खेल्ने छन्।

फागुन १३, २०८१ मंगलबार ०७:२८:२५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।