प्रिमियर लिग : लिभरपुलले सिटीलाई हरायो, नोटम फरेस्ट न्यूक्यास्टलसँग स्तब्ध
काठमाडौं : इंग्लिस प्रिमियर लिग फुटबल अन्तर्गत लिभरपुलले म्यान्चेस्टर सिटीलाई २-० गोल अन्तरले पराजित गरेको छ।
गएराति भएको खेलमा लिभरपुलले पहिलो हाफमै दुई गोल गर्यो।
उसका लागि खेलको १४औं मिनेटमा मोहम्मद सलाहले पहिलो गोल गर्दा दोस्रो गोल खेलको ३७औं मिनेटमा डोमिनिक जोबोस्लाइले गरे।
पहिलो हाफमा दुई गोलले पछि परेको सिटीले दोस्रो हाफमा गोलका केही अवसरहरु सिर्जना गरे पनि नतिजा दिलाउन सकेन।
जितका साथ लिभरपुल अंकतालिकाको २७ खेलमा ६४ अंकसहित शीर्ष स्थानमा रहँदा सिटी २६ खेलमा ४४ अंकसहित तालिकाको चौथो स्थानमा छ।
यस्तै हिजै भएको प्रिमियर लिगको अर्को खेलमा न्यूक्यास्टलले नोथम फरेस्टलाई ४-३ गोलले पराजित गर्यो।
न्यूक्यास्टलका लागि अलेक्जेन्डर इसाकले दुई गोल गर्दा ज्याकोस मुर्फी र लिविस मिलेले एक-एक गोल गरे।
नोथम फरेस्ट कलम हडसन ओडोइ, निकोला मिलेनकोभिक र रायन याट्सले समान एक-एक गोल फर्काए।
तालिका हेर्ने हो भने न्यूक्यास्टल २६ खेलमा ४४ अंकसहित पाँचौं स्थानमा हुँदा नोथम फरेस्ट समान खेलमा ४७ अंकसहित तेस्रो स्थानमा छ।
फागुन १२, २०८१ सोमबार ०८:२२:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
