बिग्रियो नेपाल एयरलाइन्सको जहाज, रेसुङ्गा विमानस्थलमा फागुनभर उडान नहुने

तम्घास : गुल्मीको रेसुङ्गा विमानस्थलमा फागुन महिनाभर उडान नहुने भएको छ। 

विमानस्थलमा नेपाल एयरलाइन्सको सानो जहाजले उडान भर्दै आएकोमा जहाजमा समस्या देखिएपछि हाललाई उडान स्थगित गरिएको एयरलाइन्सका रेसुङ्गा कार्यालयका प्रमुख सुमन थापाले जानकारी दिए। नेपाल एयरलाइन्समा दुईवटा साना जहाज छन्।

‘एउटा जहाज पहिले नै बिग्रिएको र बाँकी अर्को जहाजको पनि इन्जिनमा समस्या आएपछि उडानमा समस्या आएको हो। जहाज हाल बिग्रेर मर्मतका लागि काठमाडौंमा छ,’ उनले भने, ‘फागुनभर पनि उडान हुने कुनै सम्भावना छैन।’

रेसुङ्गा विमानस्थलमा पछिल्लोपटक एयरलाइन्सले २०८१ मंसिर २४ मा तम्घास-काठमाडौं उडान भरेको थियो। २०७९ वैशाख ३ गते पहिलो उडान भएको विमानस्थलमा झण्डै २० महिनामा ९० वटा मात्र उडान भएका छन्।

उक्त उडानमध्ये तम्घास-काठमाडौं एक हजार एक सय ६५ र काठमाडौं-तम्घास एक हजार ८८ यात्रीले सेवा पाएको स्टेशन इन्चार्ज थापाको भनाइ छ। जहाजले एकपटकमा १९ जनासम्म यात्री बोक्न सक्छ।

विमानस्थलमा उडान नभए पनि कर्मचारी भने तीन जना छन्

फागुन ११, २०८१ आइतबार ११:१८:०४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।