च्याम्पियन्स ट्रफी : श्रीलंका र भारतसँग क्लिनस्वीप भएका अष्ट्रेलिया र इङ्गल्याण्ड भिड्दै
काठमाडौं : च्याम्पियन्स ट्रफी २०२५ को चौथो खेल आज अष्ट्रेलिया र इंग्ल्यान्डबीच खेल हुँदैछ। यो समूह ‘बी’ को दोस्रो खेल हो। खेल पाकिस्तानको लाहोरस्थित गद्दाफी स्टेडियममा नेपाली समयअनुसार दिउँसौ पौने तीन बजेबाट सुरू हुनेछ।
दुवै टोलीको पछिल्लो प्रदर्शन निराशाजनक छ। एकदिवसीय सिरिजमा इंग्ल्यान्ड भारतसँग लाई ३-० ले पराजित हुँदा श्रीलंकाले २ खेलको एकदिवसीय सिरिजमा अष्ट्रेलियालाई क्लिन स्वीप गरेको थियो।
च्याम्पियन्स ट्रफीको इतिहासमा यी दुई टोली पाँच पटक आमनेसामने हुँदा इंग्ल्यान्डले तीन पटक र अष्ट्रेलियाले २ पटक जितेका छन्। पाँच खेलहरूमा २००४ र २००९ को सेमिफाइनल पनि समावेश छ। २००४ मा इङ्गल्याण्डले अष्ट्रेलियालाई पराजित गरेको थियो भने २००९ मा अष्ट्रेलियाले इङ्गल्याण्डलाई पराजित गरेको थियो।
समग्रमा, दुवै टोली एकदिवसीय खेलमा १६१ पटक आमनेसामने भएका छन्। अष्ट्रेलियाले ९१ खेल जित्दा इंग्ल्यान्डले ६५ खेल जितेको छ। जबकि ३ खेलको नतिजा निस्कन सकेन र दुई खेल बराबरीमा सकिएका छन्।
अस्ट्रेलियाले २००६ र २००९ मा च्याम्पियन्स ट्रफीको उपाधि जित्दा इंग्ल्यान्डले पहिलो पटक ट्रफी जित्ने दाउमा छ।
यसैबीच पाँच महत्वपूर्ण अस्ट्रेलियाली खेलाडी च्याम्पियन्स ट्रफीबाट बाहिरिएका छन्। यसमा कप्तान प्याट कमिन्स, फास्ट बलर मिचेल स्टार्क, जोश हेजलवुड, मिचेल मार्श र मार्कस स्टोइनिसको नाम समावेश छ।
कमिन्सको अनुपस्थितिमा स्टिभ स्मिथले अष्ट्रेलियाको कप्तानी गर्दा उता इंग्ल्यान्डको कप्तानी भने जस बटलरले गर्नेछन्।
फागुन १०, २०८१ शनिबार ११:२१:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
