च्याम्पियन्स ट्रफीको आफ्नो पहिलो खेलमा दक्षिण अफ्रिका १०७ रनले विजयी
एजेन्सी : च्याम्पियन्स ट्रफीको तेस्रो खेलमा दक्षिण अफ्रिकाले अफगानिस्तानलाई १०७ रनले पराजित गरेको छ।
शुक्रबार कराँचीको राष्ट्रिय रंगशालामा दक्षिण अफ्रिकाले ब्याटिङ गर्ने निर्णय गर्यो। टोलीले ६ विकेट गुमाएर ३१५ रन बनायो। जवाफमा अफगानिस्तान ४३.३ ओभरमा २०८ रनमै अलआउट भयो।
दक्षिण अफ्रिकाका रायन रिकेलटनले शतक प्रहार गरे। उनी खेलको उत्कृष्ट खेलाडी पनि भए। एडेन मार्करामले ५२, टेम्बा बाभुमाले ५८ र रस्सी भान डेर डुसेनले ५२ रन बनाए। अफगानिस्तानका मोहम्मद नाबीले २ विकेट लिए।
अफगानिस्तानका रहमत शाहले ९० रन बनाए। कागिसो रबाडाले ३ विकेट र लुंगी न्गिडीले २ विकेट लिए।
दक्षिण अफ्रिकाले टस जितेर पहिले ब्याटिङ रोज्यो तर छैटौं ओभरमा पहिलो विकेट गुमायो। एक छेउ सम्हालिरहेका ओपनर रायन रिकेलटनले ३६औं ओभरसम्म ब्याटिङ गरे र शतक बनाए।
फागुन १०, २०८१ शनिबार ०७:२३:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
