फिल्म 'माग्ने राजा'मा जोडिए विल्सन, १० वर्षपछि केदारसँग स्क्रिन सेयर

काठमाडौँ : 'माग्ने राजा' फिल्ममा कलाकार विल्सन विक्रम राई अनुबन्धित भएका छन्। फिल्म टिमले विल्सनसँग कागजी सम्झौता गरेको हो। १० वर्षपछि उनले कलाकार केदार घिमिरेसँग पर्दा शेयर गर्न लागेका हुन्। यसअघि दुवै कलाकारले 'राम कहानी' फिल्ममा सँगै काम गरेका थिए ।

केदार घिमिरेले विल्सनलाई 'मेरी बास्सै'मा अभिनयको मौका दिएका थिए र उनको 'तक्मे बुढा' नाम राखिदिएका थिए।

फिल्मको निर्देशन ऋषि लामिछाने गर्दैछन्। निर्माता मुनाल घिमिरे (आरम्भ प्रोडक्सन) रहेको फिल्मको छायाकार नरेन्द्र मैनाली र पटकथा: सामीप्यराज तिमिल्सिनाको रहेको छ।

फिल्मको मुख्य कलाकारहरूमा केदार घिमिरे, विल्सन विक्रम राई, वर्षा सिवाकोटी, शिशिर वाङ्देल लगायतका रहेका छन्। फिल्मको छायाङ्कन शिवरात्रिका दिनबाट सुरु हुने जनाइएको छ।

फागुन ८, २०८१ बिहीबार २२:४१:२० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।