युगान्डामा खेल्न १८ खेलाडी बन्द प्रशिक्षणमा छानिए
काठमाडौँ : युगान्डामा आयोजना हुने मैत्रीपूर्ण क्रिकेट खेलका लागि नेपाल क्रिकेट सङ्घ (क्यान)ले प्रारम्भिक चरणमा १८ जना खेलाडीलाई बन्द प्रशिक्षणमा छानेको छ।
युगान्डा क्रिकेट एसोसिएसनको आयोजनामा फागुन २२ देखि चैत ४ सम्म सञ्चालन हुने मैत्रीपूर्ण क्रिकेट खेलको लागि पहिलो चरणमा १८ खेलाडीलाई क्यानले प्रशिक्षणमा बोलाएको हो।
छनोट हुने टोलीमा कप्तान इन्दु बर्मासहित रचनाकुमारी चौधरी, साना प्रवीन, रिया शर्मा, सिमाना केसी, शोभा रोकाया, राजमती ऐरी, अलिसाकुमारी यादव, सबनम राई, रूविना क्षेत्री र ममताकुमारी चौधरी छन्।
त्यसैगरी कविता जोशी, रोमा थापा, ईश्वरी विष्ट, सम्झनाकुमारी खड्का, पूजा महतो, विन्दु रावल र मनीषा कुमारी उपाध्याय बन्द प्रशिक्षणमा छानिएका हुन्।
फागुन ६, २०८१ मंगलबार १९:४६:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
