काठमाडौं विश्वकै चौथो प्रदूषित शहर, शीर्ष स्थानमा दिल्ली
काठमाडौं : काठमाडौं विश्वकै चौथो वायु प्रदूषित शहर बनेको छ।
विश्वभरको वायु गुणस्तर मापन गर्दै आएको आईक्यूएअरका अनुसार बिहान ७ बजेसम्म काठमाडौंको वायु प्रदूषण १७० एक्यूआई मापन गरिएको छ।
छिमेकी राष्ट्र भारतको दिल्ली प्रदूषित शहरको शीर्ष स्थानमा छ। २०१ एक्यूआईसहित दिल्ली विश्वै सबैभन्दा प्रदूषित शहर बनेको हो।
त्यस्तै दक्षिण एसियाली मुलुक बंगलादेशको ढाका दोस्रो नम्बरमा छ। बिहानसम्म ढाकाको वायु प्रदूषण १७० एक्यूआई मापन गरिएको छ।
तेस्रो नम्बरमा रहेको पाकिस्तानको लाहोरको वायु प्रदूषण १९० एक्यूआई मापन गरिएको छ।
फागुन ५, २०८१ सोमबार ०८:०९:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
