सामसङ ग्यालेक्सी एस२५ सिरिज अब नेपाली बजारमा, कति पर्छ मूल्य?
काठमाडौं : सामसङ नेपालले आफ्नो ग्यालेक्सी एस२५ सिरिजको प्रि-अर्डरमा नयाँ रेकर्ड कायम भएको घोषणा गरेको छ।
ग्यालेक्सी एस२४ सिरिजको तुलनामा यस पटकको प्रि-अर्डर ६० प्रतिशतले बढेको कम्पनीको दाबी छ। अब यी स्मार्टफोनहरू नेपाली बजारमा खरिदका लागि उपलब्ध छन्।
नयाँ सिरिजको फोनमा सामसङ र गुगल एपहरुबीच सहज अन्तरक्रिया गर्न झन् सरल बनाउनका लागि जेमिनी अब ४६ भाषामा उपलब्ध छ।
सामसङ नेपालका निर्देशक प्रणय रत्न स्थापितले एस२५ सिरिजको लोकप्रियतामा खुसी व्यक्त गर्दै यस सिरिजका फोनले दैनिक जीवनलाई अझ सहज बनाउने विश्वास व्यक्त गरे।
सामसङले ग्यालेक्सी एस२५ सिरिजका सबै स्मार्टफोनहरूमा ६ महिना सम्म जेमिनी एडभान्स्ड सेवा र २ टीबी क्लाउड स्टोरेज निःशुल्क प्रदान गर्नेछ।
जेमिनी एडभान्स्डमा सामसङको सबैभन्दा शक्तिशाली एआई मोडेलहरू उपलब्ध छन्, जसले प्रयोगकर्ताहरूलाई नयाँ जेम्स (कस्टम एआई एक्सपर्ट) तथा डिप रिशर्च (एआई रिशर्च असिस्टेन्ट) जस्ता विशेष सुविधाहरू दिन्छ।
फागुन २ गतेदेखि ग्यालेक्सी एस२५ सिरिज सबै सामसङ आधिकारिक स्टोरहरूमा उपलब्ध भएका छन्।
ग्यालेक्सी एस२५ अल्ट्रा टाइटेनियम सिल्भरब्लु, टाइटेनियम ब्ल्याक, र टाइटेनियम ह्वाइटसिल्भर रङ्गमा उपलब्ध हुनेछ। ग्यालेक्सी एस२५+ र ग्यालेक्सी एस२५ नेभी, सिल्भर श्याडो, र आइसिब्लु रङ्गमा उपलब्ध हुनेछन्।
अतिरिक्त रूपमा, सामसङ इन्स्टा फाइनान्स सेवा, जुन हुलास फिनसर्भ हायर पर्चेज लिमिटेडद्वारा सञ्चालित छ।
फाइनान्समार्फत ग्राहकले नवीनतम उपकरणहरू सजिलै ईएमआई विकल्पहरूसहित प्राप्त गर्न सक्छन्, जसको शुरुवात पाँच हजार दुई सय ५० रुपैयाँ प्रतिमहिनामा ० प्रतिशत ब्याजदरमा हुनेछ।
साथै, सामसङले एनएलजी इन्स्योरेन्स कम्पनी लिमिटेड मार्फत १ वर्षको लागि एक पटक ब्रेकज इन्स्योरेन्स पनि प्रदान गरिरहेको छ।
त्यस्तै, ग्यालेक्सी एस२५ सिरिजमा अपग्रेड गर्न चाहने ग्राहकहरूले आफ्नो पुराना फोनहरू सबकोफोन र आर्कोस्टोर मार्फत एक्सचेन्ज गर्न सक्नेछन्।
फागुन ४, २०८१ आइतबार ०९:५५:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
