नेपालकै सबैभन्दा बलियो दाबी गर्दै ‘अनर एक्स९सी’ स्मार्टफोन आउँदै
काठमाडौं : आफूलाई सबैभन्दा बलियो भनेर दाबी गरेको अनरको अनर एक्स९सी स्मार्टफोन नेपाली बजारमा उपलब्ध हुने भएको छ।
अनर एक्स९बी को सफलतापछि कम्पनीले नेपालमा एक्स९सी ल्याउन लागेको हो। कम्पनीले यसको मार्केटिङमा नेपालकै सबैभन्दा बलियो स्मार्टफोन भएको दाबी गरेको छ।
अनर एक्स९बी आफ्नो सेगमेन्टमा अब्बल सावित भएको थियो, जसमा ५८०० एमएएचको दीर्घकालीन ब्याट्री, ३६० डिग्री एन्टी ड्रप सुरक्षा, १०८ मेगापिक्सेलको क्यामेरा, आकर्षक डिजाइन र दमदार परफर्मेन्स थियो।
६.७८ इञ्चको कर्भ घुमाउरो एमोलेड डिस्प्ले, १२० हर्जको रिफ्रेश रेट र १२०० निट क्षमताको ब्राइटनेसले प्रयोगकर्तालाई उत्कृष्ट अनुभव दिएको थियो।
अब अनरले अझ मजबुत अपग्रेडसहित नयाँ भेरियन्ट अनर एक्स९सी फाइभजी बजारमा ल्याउन लागेको छ, जसमा मजबूती, ब्याट्री, क्यामेरा, प्रयोगकर्ता अनुभव र थप धेरै सुधार गरिएको कम्पनीको दाबी छ।
फागुन ४, २०८१ आइतबार ०९:२९:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
