तीन इजराइली बन्धक रिहाइ गर्नुअघि ‘पीआईजे’ले जारी गरेको भिडियोमा के छ?

एजेन्सी : प्यालेस्टिनी इस्लामिक जिहाद समूह (पीआईजे)को सशस्त्र शाखा अल-कुड्स ब्रिगेड्सले शनिबार बिहान एक इजरायली बन्धकको भिडियो जारी गरेको छ।

यस भिडियोमा, रूसी-इजरायली बन्धक अलेक्ज्याण्डर ट्रोफानोभ आफ्नो रिहाइको खबर प्राप्त गर्दै गरेको देखिन्छ। यद्यपि, यो भिडियो कहिले बनाइएको हो भन्ने कुरा स्पष्ट छैन।

अलेक्ज्याण्डर ट्रोफानोभलाई अक्टोबर ७, २०२३ मा बन्धक बनाइएको थियो।

पीआईजे हमास नभएर छुट्टै समूह हो। उक्त समूहले गाजामा केही मानिसहरूलाई बन्धक बनाएको र उनीहरूको रिहाइमा पनि संलग्न रहेको बताइएको छ।

यसैबीच, हमासले दक्षिणी गाजाको खान युनिसमा तीन इजरायली बन्धकहरूलाई रिहा गर्ने तयारी गरिरहेको छ। यस क्षेत्रका केही तस्बिरहरू पनि बाहिर आएका छन्, जसमा हमासका सशस्त्र लडाकुहरू देखिन्छन्।

शनिबार रिहा हुने बन्धकहरूमा रूसी-इजरायली अलेक्ज्याण्डर ट्रोफानोभ, अर्जेन्टिना-इजरायली यायर हर्न र अमेरिकी-इजरायली सागुई डेकेल-चेन रहेका छन्।

फागुन ३, २०८१ शनिबार १४:२७:०८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।