हमासले आज तीन बन्धक रिहाइ गर्दै
एजेन्सी : इजरायल र हमासबीच भएको युद्धविराम सम्झौता अन्तर्गत, हमासले आज ३ इजरायली बन्धकहरूलाई रिहा गर्ने भएको छ।
रिहा गरिएका तीन पुरुष बन्धकहरूको नाम सागुई डेकेल-चेन, साशा ट्रोफानोभ र इयर हर्न रहेको छ। हमासले अहिलेसम्म ५ चरणमा १६ इजरायली र पाँच थाई बन्धकहरूलाई रिहा गरिसकेको छ।
आजको बन्धक रिहाइको बदलामा, इजरायलले ३६९ प्यालेस्टिनी कैदीहरूलाई रिहा गर्नेछ। यी मध्ये ३६ जना आजीवन कारावासको सजाय भोगिरहेका छन्, बाँकी ३३३ कैदीहरूलाई गाजा युद्धपछि इजरायलले पक्राउ गरेको थियो।
७ अक्टोबर २०२३ मा, हजारौं हमास लडाकुहरूले इजरायलमा आक्रमण गरे र १२०० जनाको हत्या गरे। यससँगै २५० भन्दा बढी मानिसहरूलाई बन्धक बनाइएको थियो।
फागुन ३, २०८१ शनिबार ०८:३६:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
