अमेरिकाले भारतलाई दिने भनेको लडाकु विमानको विषय संयुक्त विज्ञप्तिमा अटेन
एजेन्सी : अमेरिकी राष्ट्रपति डोनाल्ड ट्रम्प र प्रधानमन्त्री नरेन्द्र मोदीबीचको द्विपक्षीय वार्तापछि भारतीय विदेश मन्त्रालयले शुक्रबार संयुक्त विज्ञप्ति जारी गरेको छ।
भारतीय विदेश मन्त्रालयले जारी गरेको संयुक्त विज्ञप्तिमा प्रधानमन्त्री मोदी र ट्रम्पले रक्षा, व्यापार, लगानी, ऊर्जा सुरक्षा र प्रविधि लगायत विभिन्न विषयमा छलफल गरेको उल्लेख गरेको छ। यद्यपि, विज्ञप्तिमा एफ-३५ लडाकु विमानको उल्लेख गरिएको छैन।
यसअघि प्रधानमन्त्री मोदीसँगको संयुक्त पत्रकार सम्मेलनमा ट्रम्पले एफ-३५ लडाकु विमानको बारेमा उल्लेख गरेका थिए। ट्रम्पले अमेरिकाले भारतलाई अत्याधुनिक एफ-३५ लडाकु विमान दिने घोषणा गरेका थिए।
भारतीय विदेश मन्त्रालयले संयुक्त विज्ञप्तिमा कि दुई देशले रक्षा सम्बन्धलाई अझ अगाडि बढाउन अमेरिका-भारत प्रमुख रक्षा साझेदारीको लागि दश वर्षे ढाँचामा हस्ताक्षर गर्ने बारेमा कुरा गरेका छन्।
प्रधानमन्त्री मोदीले २०३० सम्ममा अमेरिकासँगको व्यापार दोब्बर गर्ने बताउँदै व्यापारलाई ५०० अर्ब डलर पुर्याउने विषय उल्लेख छ।
यसैबीच डोनाल्ड ट्रम्पले मुम्बई आक्रमणको मुद्दामा भारतमा खोजिएका तहव्वुर राणालाई भारत सुपुर्दगी गर्ने घोषणा गरेका छन्।
फागुन २, २०८१ शुक्रबार १२:३५:०६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।
