त्रिकोणात्मक सिरिजको उपाधिको लाग न्यूजिल्यान्ड र पाकिस्तान भिड्दै
काठमाडौं : जारी त्रिकोणात्मक एकदिवसीय सिरिजको उपाधिका लागि आज न्यूजिल्यान्ड र घरेलु टोली पाकिस्तान भिड्दैछ।
खेल नेपाली समयअनुसार दिउँसो पौने ३ बजेबाट कराँचीको नेशनल स्टेडियममा सुरु हुनेछ।
न्यूजिल्यान्डले सिरिजको दुवै खेल जितेर फाइलन पुग्दा पाकिस्तानले बुधबार दक्षिण अफ्रिकालाई ६ विकेटले हराएर न्यूजिल्यान्डसँगको भेट पक्का गरेको हो।
न्यूजिल्यान्डले पहिलो खेलमा पाकिस्तानलाई ७८ रनले पराजित गर्दा दक्षिण अफ्रिकालाई ६ विकेटले पराजित गरेको थियो।
जारी सिरिज लगत्तै यी तीनै टोलीले पाकिस्तानमै हुने च्याम्पियन्स ट्रफी खेल्नेछन्। च्याम्पियन्स ट्रफी १९ फेब्रुअरीबाट पाकिस्तानमा हुँदैछ।
भारतका खेलहरु भने युएईको दुबई क्रिकेट स्टेडियममा हुनेछ।
फागुन २, २०८१ शुक्रबार ०९:४९:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
