रजत पाटीदार बने आरसीबीको क्याप्टेन, गर्नेछन् कोहलीको नेतृत्व

एजेन्सी : रोयल च्यालेन्जर्स बैंगलोर (आरसीबी)ले मार्च २१ देखि सुरू हुने इन्डियन प्रिमियर लिग (आईपीएल) क्रिकेट २०२५ को लागि रजत पाटीदारलाई आफ्नो नयाँ कप्तान नियुक्त गरेको छ।

२०२२ देखि २०२४ सम्म कप्तान रहेका फाफ डु प्लेसिसलाई टिममा अनुबन्ध नगरेको आरसीबीले फेरि एक पटक विराट कोहलीले टिमको नेतृत्व गर्ने अपेक्षाका बीच बिहीबार बेंगलुरुमा आयोजित एक कार्यक्रममा यस्तो घोषणा गरिएको हो।

२०२१ मा फ्रेन्चाइजीमा सामेल भएदेखि पाटीदारले तीन सिजन खेलेका छन् र २८ खेलमा १५८.८५ को स्ट्राइक रेटमा ७९९ रन बनाएका छन्। उनी टोलीका प्रमुख ब्याट्सम्यानहरू मध्ये एक हुन्।

नोभेम्बरमा भएको मेगा लिलामी अघि आरसीबीले रिटेन गरेका तीन खेलाडीमध्ये ३१ वर्षीय पाटीदार एक थिए। यो उनको आईपीएलमा पहिलो कप्तानी कार्यकाल भए पनि उनले २०२४/२५ को सय्यद मुश्ताक अली ट्रफी र विजय हजारे ट्रफीको सिजनमा आफ्नो राज्य टोली मध्य प्रदेशको कप्तानी गरेका थिए।

घरेलु क्रिकेटमा कप्तानको रूपमा यो प्रतियोगिता उनको पहिलो पूर्ण कार्यकाल थियो।

उनी सैयद मुश्ताक अली ट्रफीमा दोस्रो सर्वाधिक रन बनाउने खेलाडी थिए, जहाँ उनले नौ इनिङमा ६१.१४ को औसत र १८६.०८ को स्ट्राइक रेटमा ४२८ रन बनाएका थिए। विजय हजारे ट्रफीमा उनले ५६.५० को औसत र १०७.१० को स्ट्राइक रेटमा २२६ रन बनाए।

तीन पटक फाइनल खेलेको आरसीबीले अहिलेसम्म आईपीएलको उपाधि जितेको छैन। टिमले पछिल्ला पाँच सिजनमा चार पटक प्लेअफमा स्थान बनाएको छ।

आरसीबीले पाटीदारलाई कप्तान नियुक्त गरेको छ भने, कोलकाता नाइट राइडर्स र दिल्ली क्यापिटल्स अन्य टोलीहरू हुन् जसले आगामी सिजनको लागि आफ्नो कप्तानको घोषणा गरेका छैनन्।

गत वर्ष केकेआरको कप्तानी गरेका श्रेयस अय्यरले यस वर्ष पञ्जाब किंग्सको नेतृत्व गर्नेछन् भने दिल्ली क्यापिटल्सका पूर्व कप्तान ऋषभ पन्तले अहिले लखनऊ सुपर जायन्ट्सको नेतृत्व गरिरहेका छन्।

फागुन १, २०८१ बिहीबार १३:०७:५८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।