फिल्म ‘घुइँचो’ घोषणा गरेर अलपत्र पारेका निर्माताले बनाउलान् त ‘अन्धपथ’

काठमाडौँ : तीन वर्षअघि फिल्म ‘घुइँचो’ निर्माण घोषणा गरेर अलपत्रै पारेका रामजी लम्सालले बुधवार दोस्रो फिल्म ‘अन्धपथ’को घोषणा गरे। उनले बुधवार बागबजारमा केही पत्रकारलाई बोलाएर नयाँ फिल्म अन्धपथ बनाउने घोषणा गरे।

उनले अभिनेता राजेश हमाल,सुभाष गजुरेल,सन्जीत भण्डारी,उत्तम केसी,कमल मैनाली,कृष्ण ढुङ्गाना लगायतका कलाकारहरू फिल्ममा रहने दाबी गरे। तर उ कार्यक्रममा फिल्मका मुख्य कलाकारको नै थिएनन्। कमल मैनाली र कृष्ण ढुङ्गाना भने कार्यक्रममा थिए।

उनले फिल्म नेपालको पश्चिम क्षेत्र कर्णालीको रुकुम पूर्व,काठमाडौँ, भारतको गोवाका साथै अमेरिकामा समेत छायाङ्कन गर्ने दाबी गरे।

यस अगाडि २०७८ मंसिर ६ मा उनले बानेश्वरस्थित होटेल एभरेस्टमा पत्रकार सम्मेलन गरेर यसरी नै फिल्म ‘घुइँचो’निर्माण घोषणा गरेका थिए। दीपेन्द्र लामाको निर्देशनमा बन्ने भनिएको फिल्मको छायाङ्कन कहिलेबाट सुरु हुने पत्तै छैन।

कार्यक्रममा उनले फिल्मका मुख्य कलाकार एलिजा गौतम र कुन्साङ बमजनलाई रेड कार्पेटमा हिँडाएका थिए। निकै तामझामसाथ घोषणा गरिएको फिल्म नै हरायो। अन्धपथको हालत पनि यस्तै हुने त हैन? कुरौँ केही समय।

माघ ३०, २०८१ बुधबार २३:३१:३१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।