एक साताका लागि अन्तरिक्षमा गएका सुनिता र बुच नौ महिनापछि पृथ्वीमा फर्कँदै
एजेन्सी : अमेरिकी अन्तरिक्ष यात्री सुनिता विलियम्स र बुच विल्मोर चाँडै नै पृथ्वीमा फर्कनेछन्।
उनीहरूलाई मार्चको मध्य समयमा फिर्ता ल्याइने नासाले मंगलबार जानकारी दियो। दुवै अन्तरिक्ष यात्री विगत आठ महिनादेखि अन्तरिक्ष स्टेशनमा फसेका छन्।
यसअघि, अन्तरिक्ष यात्रीहरूको फिर्ताको लागि समयसीमा मार्चको अन्त्य वा अप्रिलको लागि तोकिएको थियो। तिनीहरूलाई स्पेसएक्स क्याप्सुलमा फिर्ता ल्याइनेछ।
सुनिता र बुच गत वर्ष जुन ५ मा बुच विल्मोरसँगै अन्तर्राष्ट्रिय स्पेश स्टेशन (आईएसएस) पुगेका थिए।
बोइङको नयाँ स्टारलाइनर क्याप्सुलको परीक्षणका लागि त्यहाँ पुगेका उनीहरू एक हप्तापछि फर्कनुपर्ने थियो। तर यसमा खराबी आएपछि उनीहरू अन्तर्राष्ट्रिय स्पेश स्टेशनमै बस्न बाध्य भए।
यसअघि नासाले एलोन मस्कको कम्पनी स्पेसएक्सको ड्र्यागन अन्तरिक्ष यान मार्फत फेब्रुअरी २०२५ मा सुनिता र बुच विल्मोरलाई फिर्ता ल्याउने जानकारी दिएको थियो। तर, यो हुन सकेन।
अमेरिकाका नयाँ राष्ट्रपति डोनाल्ड ट्रम्पले अन्तरिक्षमा अड्किएका सुनिता र बुचलाई फिर्ता ल्याउने जिम्मेवारी स्पेसएक्सका सीईओ एलोन मस्कलाई दिएका छन्।
ट्रम्पले गत महिना सामाजिक सञ्जालमा लेखेका थिए, ‘मैले मस्कलाई ती दुई बहादुर अन्तरिक्ष यात्रीलाई फिर्ता ल्याउन आग्रह गरेको छु। मस्कले चाँडै नै यसमा काम सुरु गर्नेछन्। आशा छ सबैजना सुरक्षित हुनुहुन्छ।’
माघ ३०, २०८१ बुधबार १२:४१:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
