अर्जुन ट्रफीको उपाधिका लागि डडेल्धुरा र अत्तरिया भिड्दै

फाप्ला : कैलालीको धनगढीमा जारी अर्जुन ट्रफी राष्ट्रिय क्रिकेटको उपाधिका लागि आज फ्रेन्ड्स युथ क्लब डडेल्धुरा र सिवाइसी अत्तरिया भिड्दैछन्।

खेल दिउँसाे १ बजे फाप्ला क्रिकेट मैदानमा हुनेछ। डडेल्धुरा न्यू होराइजन बुटवललाई हराएर फाइनलमा पुग्दा अत्तरिया डिसिए धनगढीलाई पराजित गरेर डडेल्धुरासँगको भेट पक्का गरेको हो।

डडेल्धुरामा कुशल भुर्तेल, सन्दीप जोरा, विनोद भण्डारीलगायतका स्टार खेलाडी रहँदा अत्तरियामा भीम सार्की, विवेक यादव, साहव आलम जस्ता राष्ट्रिय खेलाडी आवद्ध छन्।

प्रतियोगिताको विजेताले नगद रु १० लाख र उपविजेताले नगद पाँच लाखसहित ट्रफी पाउनेछन्।

धनगढी र सुदूरपश्चिम प्रदेशको क्रिकेटका सारथी रहेका अर्जुन खड्कालाई समर्पित गर्दै आयोजना गरिएको प्रतियोगिताको सर्वोकृष्ट खेलाडीलाई नगद रु एक लाख प्रदान गरिनेछ।

उत्कृष्ट ब्याट्सम्यान, उत्कृष्ट बलर र उदयमान खेलाडीले जनही ५०/५० हजार पाउनेछन्।

माघ २८, २०८१ सोमबार १२:३९:२८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।