अष्ट्रेलियाले १३ वर्षपछि श्रीलंकामा टेस्ट सिरिज जित्यो

एजेन्सी : श्रीलंका विरुद्धको दोस्रो टेस्ट अष्ट्रेलियाले नौ विकेटले जितेको छ। यससँगै टोलीले दुई खेलको सिरिज २-० ले क्लिनस्वीप गरेको छ।

पहिलो टेस्ट अष्ट्रेलियाले इनिङ्सको अन्तरले जितेको थियो। अष्ट्रेलियाली टोलीले १३ वर्षपछि श्रीलंकामा टेस्ट सिरिज जितेको हो।

यसअघि अष्ट्रेलियाले सन् २०११ मा सिरिज जितेको थियो। त्यसपछि अहिलेसम्म जम्मा दुई वटा टेस्ट सिरिज भएकोमा एउटा श्रीलंकाले जितेको थियो भने अर्को बराबर भएको थियो।

दुई टोलीबीचको दुई खेलको एकदिवसीय शृङ्खलाको पहिलो खेल १२ फेब्रुअरीमा कोलम्बोमा खेलिनेछ।

गालेमा खेलिएको खेलमा श्रीलंकाले टस जितेर पहिले ब्याटिङ गर्दै पहिलो इनिङमा २५७ रन बनाएर अलआउट भएको थियो भने अष्ट्रेलियाले पहिलो इनिङमा ४१४ रन बनाएको थियो।

यस आधारमा अष्ट्रेलियाले १५७ रनको अग्रता पाएको थियो। आयोजक श्रीलंकाले दोस्रो इनिङमा पनि ठूलो स्कोर बनाउन सकेन र २३१ रनमा अलआउट भयो। यसरी अष्ट्रेलियन टोलीले ७५ रनको लक्ष्य पायो। जसलाई टोलीले १ विकेट गुमाएर पूरा गर्यो।

मेन्डिसले बनाए ५० रन
श्रीलंकाले आइतबार चौथो दिन २११/८ को स्कोरबाट दोस्रो इनिङ्स पुनः सुरु गरेकोमा २० रन थप्दा दुई विकेट गुमायो। कुशल मेन्डिस ५० रन बनाएर आउट हुँदा लाहिरु कुमारा ९ रन बनाएर आउट भए।

अष्ट्रेलियाका लागि दोस्रो इनिङमा म्याथ्यू कुह्नेम्यान र नाथन लियोनले ४-४ विकेट लिए। ब्यू वेबस्टरले २ विकेट लिए।

७५ रनको लक्ष्य पछ्याउने क्रममा अष्ट्रेलियाका लागि २० रन बनाएपछि ट्राभिस हेड आउट भए। उस्मान ख्वाजा २७ र मार्नस लाबुस्चेन २६ रनमा अविजित रहे।

तेस्रो दिन श्रीलंकाले दोस्रो इनिङमा ८ विकेटको क्षतिमा २११ रन बनाएको थियो।
खेलको तेस्रो दिन शनिबार श्रीलंकाले दोस्रो इनिङमा ८ विकेटको क्षतिमा २११ रन बनाएको थियो। टोलीले पहिलो इनिङमा २५७ रन बनाएको थियो।

अष्ट्रेलियाले पहिलो इनिङमा ४१४ रन बनाएको थियो, त्यसैले टोली हाल ५४ रनले पछाडि छ। श्रीलंकाका लागि दोस्रो इनिङमा एन्जेलो म्याथ्यूजले ७६ रन बनाए भने कुसल मेन्डिसले ४८ रन बनाएर अविजित रहे।

शुक्रबार खेलको दोस्रो दिनको खेल सकिन लाग्दा अष्ट्रेलियाले पहिलो इनिङमा ३३०/३ रन बनाएको थियो। स्टिभ स्मिथ र एलेक्स केरी शतक प्रहार गरेर अविजित फर्किए। अष्ट्रेलियाले पहिलो ३७ रनमा दुवै विकेट गुमायो।

ट्राभिस हेड २१ रन बनाएर आउट भए, उस्मान ख्वाजा ३६ र मार्नस लाबुस्चेन ४ रन बनाएर आउट भए। गत खेलका दुवै शतक प्रहारकर्ता स्टिभ स्मिथ र एलेक्स केरीले इनिङको जिम्मेवारी सम्हाले र यस खेलमा पनि शतक प्रहार गरे।

कप्तान स्टिभ स्मिथले ९ चौका र १ छक्काको मद्दतले १२० रनमा अविजित रहे भने केरीले १५६ बलमा १३९ रन बनाएर अविजित रहे।

बिहीबार, खेलको पहिलो दिन, श्रीलंकाले टस जितेर ब्याटिङ रोज्यो। खेल सकिनुअघि टोलीले ९ विकेट गुमाएर २२९ रन बनाएको थियो। कुसल मेन्डिस ५९ रन बनाएर अविजित फर्किए। दिनेश चण्डिमलले ७४ रन बनाए।

अष्ट्रेलियाका लागि फास्ट बलर मिचेल स्टार्क र स्पिनर नाथन लियोनले ३-३ विकेट लिए। बायाँ हाते स्पिनर म्याथ्यू कुह्नेम्यानले २ विकेट र अफ स्पिनर ट्राभिस हेडले १ विकेट लिए।

माघ २८, २०८१ सोमबार ०९:२३:५१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।