महिला टी२०आई सिरिजको उत्कृष्ट नेपाली खेलाडी पूजाले पाइन् ‘यामाहा रेजेडआर १२५एफआई हाइब्रिड’

काठमाडौं :  यामाहा नेपालले  नेपाल, नेदरल्याण्ड्स र थाइल्याण्डबीचको महिला टी२०आई त्रिकोणीय क्रिकेट सिरिजमा उत्कृष्ट नेपाली खेलाडी पूजा महतोलाई यामाहा रेजेडआर १२५एफआई हाइब्रिड प्रदान गरेको छ।

सिरिजको अन्तिम खेलपछि आयोजित समारोहमा एमएडब्ल्यू राइड्सकी मार्केटिङ प्रमुख सलिना शर्माले नेपाली क्रिकेट टोलीकी सदस्य महतोलाई सिरिजमा देखाएको प्रदर्शन, समर्पण र प्रतियोगितामा राखेको प्रभावको कदर गर्दै स्कुटरको साँचो हस्तान्तरण गरिन्।

कम्पनीले यो पुरस्कारलाई महिला क्रिकेटको उदयको लागि यामाहाको निरन्तर समर्थनको प्रतीकको रूपमा लिएको छ। कम्पनीले असाधारण प्रतिभाको पहिचान गर्न र उनलाई पुरस्कृत गर्न पाउँदा सम्मानित अनुभव गरेको एक विज्ञप्तिमार्फत जनाएको छ।

कम्पनीले यस यात्राको हिस्सा हुन पाउँदा गर्व महसुस गर्दै खेलाडीहरूलाई सशक्त बनाउने, खेल भावना जगाउने र अन्तर्राष्ट्रिय क्रिकेटमा नेपालको उपस्थितिलाई उकास्ने हरेक प्लेटफर्मलाई समर्थन गर्ने प्रतिबद्धता समेत व्यक्त गरेको छ।

यामाहा नेपाल उक्त सिरिजको मुख्य प्रायोजक थियो।

माघ २६, २०८१ शनिबार ११:५८:१९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।