महिला टी२० सिरिजको आज अन्तिम खेल, नेपाल र थाइल्यान्ड भिड्दै

काठमाडौं : त्रिकोणात्मक महिला टी२० क्रिकेट सिरिजमा आज नेपाल र थाइल्यान्ड भिडदैछन्।

खेल कीर्तिपुरस्थित त्रिवि क्रिकेट मैदानमा दिउँसो सवा १२ बजे सुरु हुनेछ। यो जारी सिरिजको अन्तिम खेल हो।

प्रतियोगितामा खेलेका पाँच खेलमा पराजित नेपाल आजको खेल जितेर सुखद् अन्त्य गर्न चाहन्छ।

तर, पाँचमध्ये चार खेल जितेको थाइल्यान्ड भने आजको खेलमा पहिलाको दुई खेलमा झैँ पराजित गर्ने सुरमा देखिन्छ।

जारी सिरिजमा पाँच खेल खेलेको थाइल्यान्ड आठ अंकसहित शीर्ष स्थानमा रहँदा छ खेलमा समान अंक रहेको नेदरल्यान्ड्स रनरेटका आधारमा दोस्रो स्थानमा छ।

एक खेलमा पनि जित निकाल्न नसकेको नेपाल अंकविहीन हुँदै तालिकाको पुच्छारमा छ। अंकतालिकाको शीर्ष स्थानमा रहेको टोलीले उपाधि उचाल्नेछ।

माघ २५, २०८१ शुक्रबार ०८:१२:५४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।