त्रिकोणात्मक महिला टी२० क्रिकेटमा थाइल्याण्डले टस जित्यो

काठमाडौं : थाइल्याण्डले महिला त्रिकोणात्मक टि ट्वान्टी आई सिरिजमा नेदरल्याण्ड्सविरुद्ध टस जितेको छ। कीर्तिपुरस्थित टियु क्रिकेट मैदानमा थाइल्याण्डकी कप्तानले टस जितेर ब्याटिङ रोजेकी छिन्।

सिरिजमा थाइल्याण्ड पाँचौ जित निकाल्दै सिरिज जित्ने लक्ष्यमा छ। थाइल्याण्डले नेपाल र नेदरल्याण्ड्सविरूद्ध खेलेका दुवै खेलमा जित हासिल गरेको थियो।

नेदरल्याण्ड्सलाई भने उपाधी सम्भावना कायमै राख्न यस खेलमा जित अत्यावश्यक रहेको छ। नेदरल्याण्ड्सले जितेको तीनै खेलमा घरेलु टोली नेपाललाई पराजित गरेको थियो।

यस सिरिजमा भने नेदरल्याण्ड्स र थाइल्याण्ड तेस्रो पटक आमने-सामने हुँदैछन्। अघिल्ला दुवै भेटमा नेदरल्याण्ड्स थाइल्याण्डसँग पराजित भएको थियो।

सिरिजमा नेदरल्याण्ड्स र थाइल्याण्डको अलावा घरेलु टोली नेपालको पनि सहभागिता रहेको छ। सहभागी टोलीले एक-अर्कासँग समान ३ पटक खेल्नेछन्।

अंक तालिकाको शीर्ष स्थानमा रहने टोली विजेता बन्नेछ। नेपालले आफ्नो तथा सिरिजको अन्तिम खेलमा शुक्रबार थाइल्याण्डसँग खेल्नेछ।

माघ २४, २०८१ बिहीबार १२:१३:१८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।