चितवन जिल्ला अदालतमा रवि लामिछानेको थुनछेक बहस हुँदै

काठमाडौं : सहकारीको बचत रकम अपचलन प्रकरणमा पक्राउ परेका पूर्वगृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछानेलाई आज पनि चितवन अदालतमा उपस्थित गराइँदै छ।

बुधबार थुनछेक बहस नसकिएपछि आज १० बजे अदालतमा उपस्थित गराउने गरी उनलाई न्यायिक हिरासतमा पठाइएको थियो। आज जाहेरवाला र प्रतिवादीको तर्फबाट बहस र थुनछेक गर्नेछन्।

साहारा चितवन सहकारी ठगी प्रकरणमा रविसहित १५ जना प्रतिवादीको बुधबारबाट बयान सुरु भएको थियो। बयान सकिएसँगै हिजोबाट थुनछेक बहस पनि सुरु गरिएको थियो।

बुधबार सरकारी वकिलको तर्फबाट जिल्ला न्यायाधिवक्ता रवि न्यौपाने र सहायक न्यायाधिवक्ताहरू अमृत सुवेदी, बुद्ध बहादुर थापासहित ३ जनाको बहस गरेका थिए।

जाहेरवालाका तर्फबाट बुधबार रमेश काफ्लेले मात्रै बहस गर्न भ्याएका थिए।अन्यको बहस आज अदालत खुलेपछि सुरु हुनेछ। थुनछेक बहस सकिए आजै थुनछेक आदेश आउने सम्भावना छ।

माघ २४, २०८१ बिहीबार ०७:४०:५८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।