महिला टी२० सिरिजमा आज नेदरल्यान्ड्स र थाइल्यान्ड भिड्दै
काठमाडौं : त्रिदेशीय महिला टी-२० अन्तर्राष्ट्रिय क्रिकेट सिरिजमा आज नेदरल्यान्ड्स र थाइल्यान्ड खेल्दैछन्।
कीर्तिपुरको त्रिवि क्रिकेट मैदानमा हुने खेल दिउँसो सवा १२ बजे शुरू हुनेछ।
थाइल्यान्ड ४ वटै खेल जित्दै ८ अङ्कसहित तालिकाको शीर्ष स्थानमा छ। नेदरल्यान्ड्स ५ खेलमा ६ अङ्कसहित दोस्रो स्थानमा छ।
नेपाल अङ्कविहीन हुँदै पुच्छारमा छ। नेपालले यसअघिका ५ वटै खेल हारेको छ।
नेपाली महिला टोली नेदरल्यान्ड्स ३ पटक र थाइल्यान्डसँग २ पटक पराजित भएको छ। नेपालले आफ्नो अन्तिम खेल भोलि थाइल्यान्डसँग खेल्नेछ।
लिग चरणमा शीर्ष स्थानमा रहने टोलीले सिरिजको उपाधि जित्नेछ।
माघ २४, २०८१ बिहीबार ०७:१५:१६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
