त्रिदेशीय सिरिजको आफ्नो पाँचौं खेलमा नेपालले टस जित्यो

काठमाडौं : त्रिदेशीय महिला टी२० सिरिजको आफ्नो पाँचौं खेलमा नेपालले नेदरल्यान्ड्सविरुद्ध टस जितेको छ।

नेपालकी कप्तान इन्दु बर्माले टस जितेर पहिला ब्याटिङ गर्ने निर्णय गरेकी हुन्। सिरिजमा खेलेका चारै खेलमा पराजित नेपाल आजको खेलमा जित निकाल्न चाहन्छ।

चारमध्ये दुई खेलमा जित निकालेको नेदरल्यान्ड्स नेपाललाई पराजित गर्दै तेस्रो जित निकाल्ने दाउमा छ।

नेपाली टोलीमा १ परिवर्तन भएको छ। मंगलबार थाइल्याण्डसँगको खेलमा खेलेकी अलिशा कुमारी यादवको स्थानमा सिता राना मगरले मौका पाएकी छिन्।

नेदरल्याण्डले नेपालसँगका दुवै खेल जित्दा थाइल्याण्डसँगको दुवै खेलमा पराजित भएको थियो।

नेपालको प्लेईङ११
इन्दु बर्मा(कप्तान), बिन्दु रावल, सम्झना खड्का, ममता चौधरी, पुजा महतो, रुविना क्षेत्री, कविता जोशी, रोमा थापा, मनिषा उपाध्याय, सिता राना मगर र रचना चौधरी

माघ २३, २०८१ बुधबार १२:१८:२९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।