च्यासल मैदानलाई खेल्न योग्य बनाउन दुई करोड लाग्ने

काठमाडौं : गत असोज १० देखि १२ गतेसम्म परेको अविल वर्षापछि आएको बाढीका कारण बगरमा परिणत भएको ललितपुर महानगरपालिका-९ च्यासल च्यासल खेल मैदान मर्मतका लागि दुई करोड रुपैयाँ लाग्ने भएको छ।

च्यासल मैदानलाई पहिलेको अवस्थामा फर्काउन दुई करोड बजेट आवश्यक पर्ने राष्ट्रिय खेलकुद परिषद् पूर्वाधार निर्माण तथा मर्मत शाखाका इञ्जिनीयर पूर्ण सुनदासले जानकारी दिए।

बाढीबाट भएको क्षति र मर्मतको लागतबारे अध्ययन गरी प्रतिवेदन तयार गरेको उनको भनाइ छ।

च्यासल फुटबल क्लबका अध्यक्ष रमेश बेञ्जनकार ललितपुर महानगरपालिका-९ वडा कार्यालयको सहयोगमा मैदान व्यवस्थापनको प्रयास भए पनि अखिल नेपाल फुटबल संघ (एन्फा)ले चासो नदेखाएको बताए।

ललितपुर महानगरपालिका-९ का वडाध्यक्ष राजु महर्जन अधिकार सम्पन्न बागमती सभ्यता एकीकृत विकास समिति र राष्ट्रिय खेलकुद परिषद्को समन्वयमा मैदान मर्मत गरिनुपर्नेमा जोड दिए।

दशरथ रङ्गशालाको विकल्पका रुपमा परिषद्ले २८ करोड खर्चेर २०७६ सालमा उक्त मैदान तयार गरेको थियो।

माघ २३, २०८१ बुधबार ११:३९:५८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।