महिला टी-२० क्रिकेट सिरिजमा आज नेपाल र नेदरल्यान्ड्स खेल्दै
काठमाडौं : त्रिदेशीय महिला टी-२० अन्तर्राष्ट्रिय क्रिकेट सिरिजमा आज नेपाल र नेदरल्यान्ड्स खेल्दैछन्।
खेल कीर्तिपुरको त्रिवि क्रिकेट मैदानमा दिउँसो सवा १२ बजे शुरू हुनेछ।
नेपालले अहिलेसम्म खेलेका चारवटै खेल हारेको छ। हिजो भएको खेलमा नेपाल थाइल्यान्डसँग ५ रनले पराजित भएको थियो।
नेपाल यसअघि नेदरल्यान्ड्ससँग २ पटक र थाइल्यान्डसँग १ पटक पराजित भएको थियो।
थाइल्यान्ड ४ वटै खेल जित्दै ८ अङ्कसहित तालिकाको शीर्ष स्थानमा छ। नेदरल्यान्ड्स ४ खेलमा ४ अङ्कसहित दोस्रो स्थानमा छ।
नेपाल अङ्कविहीन हुँदै पुच्छारमा छ। लिग चरणमा शीर्ष रहने टोलीले उपाधि जित्नेछ।
माघ २३, २०८१ बुधबार ०७:२४:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
