स्वीडेनको एक विद्यालयमा गोलीबारी, छ जना घाइते
एजेन्सी : मध्य स्वीडेनको ओर्ब्रोमा रहेको एक विद्यालयमा भएको गोलीकाण्डमा कम्तीमा छ जना घाइते भएका छन्।
यो गोलीबारी स्थानीय समय अनुसार दिउँसो साढे १२ बजे भएको बीबीसीले जनाएको छ। गोलीबारीपछि विद्यालय भवन खाली गराइएको छ।
स्वीडेनका प्रधानमन्त्री उल्फ क्रिस्टरसनले ओरेब्रोको स्कूलमा भएको गोलीकाण्डको बारेमा एक विज्ञप्ति जारी गर्दै भनेका छन्, ‘यो सम्पूर्ण स्वीडेनको लागि धेरै दु:खद दिन हो।’
स्वीडिश प्रहरी अधिकारी रोबर्टो इडेले गोलीबारीबाट अहिलेसम्म कसैको मृत्यु नभएको बताए।
स्वीडेनको स्वास्थ्य सेवाले गोलीबारीका छ घाइतेमध्ये चार घाइतेको शल्यक्रिया गरिएको बताएको छ।
माघ २३, २०८१ बुधबार ०७:०७:५७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
