महिला टी-२० सिरिजमा नेपालले आज थाइल्यान्डको सामना गर्दै

महिला टी-२० सिरिजमा नेपालले आज थाइल्यान्डको सामना गर्दै

काठमाडौं : त्रिदेशीय महिला टी-२० अन्तर्राष्ट्रिय क्रिकेट सिरिजमा आज नेपालले थाइल्यान्डको सामना गर्दैछ।

खेल दिउँसो सवा १२ बजे कीर्तिपुरस्थित त्रिवि क्रिकेट मैदानमा सुरू हुनेछ।

घरेलु मैदानमा लगातार तेस्रो हार व्यहोरेको नेपाल प्रतियोगितामा पहिलो जित निकाल्न चाहन्छ। तर, अपराजित रहेको थाइल्याण्डसामु नेपालका लागि त्यति सहज भने छैन।

सिरिजमा लगातार तेस्रो जित हात पारेको थाइल्याण्ड ६ अंकसहित शीर्ष स्थानमा रहँदा नेदरल्याण्ड्सले चार खेलमा ४ अंक जोडेको छ।

अंकविहीन नेपाल आईसीसीको बरीयतामा यी दुई टोलीभन्दा पछाडि छ। नेपाल आईसीसी महिला टी-२० वरीयतामा २०औं स्थानमा हुँदा नेदरल्यान्ड्स १६औं र थाइल्यान्ड १३औं स्थानमा छ।

जारी सिरिजमा हरेक टोलीले एक-अर्काविरुद्ध तीन-तीन खेल खेल्नेछन्।

माघ २२, २०८१ मंगलबार ०७:१७:५९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।