त्रिकोणात्मक सिरिजमा आज नेदरल्याण्ड्स र नेपाल दोस्रोपटक आमनेसामने हुँदै

त्रिकोणात्मक सिरिजमा आज नेदरल्याण्ड्स र नेपाल दोस्रोपटक आमनेसामने हुँदै

काठमाडौं : महिला त्रिकोणात्मक टी-२० आई सिरिजको चौथो खेलमा आज नेपाल र नेदरल्याण्ड्सबीच प्रतिस्पर्धा हुँदैछ। कीर्तिपुरस्थित टियु क्रिकेट मैदानमा खेल दिउँसो १२ः१५ बजे सुरू हुनेछ। 

नेपालको कप्तानमा इन्दु बर्मा छन् भने नेदरल्याण्ड्सको कप्तानमा बाबेट डे लिडे छन्।

यस सिरिजमा भने दुवै टोलीको यो तेस्रो खेल हो। नेपाल अझै पनि पहिलो जितको खोजीमा छ। नेदरल्याण्ड्स भने दोस्रो जितको खोजीमा छ। 

सिरिजको पहिलो खेलमा नेपाल नेदरल्याण्ड्स र शनिबार थाइल्याण्डसँग पराजित भएको थियो।

पहिलो खेलमा नेपाललाई पराजित गरेको नेदरल्याण्ड्स दोस्रो खेलमा थाइल्याण्डसँग पराजित भएको थियो। दुवै टोली सिरिजमा दोस्रो पटक आमनेसामने हुँदैछन्।

शृंखलामा सबै टोलीले एक अर्कासँग ३-३ खेल खेल्ने छन्। नेपालले अब माघ २२ मा थाइल्याण्ड, माघ २३ मा नेदरल्याण्ड्स र माघ २५ मा थाइल्याण्डसँग खेल्ने छ। 

माघ २०, २०८१ आइतबार ०८:५७:३७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।