नेपालले थाइल्यान्डविरुद्ध बनायो कीर्तिमानी रन
काठमाडौं : त्रिदेशीय महिला टी२० सिरिजको आफ्नो दोस्रो खेलमा नेपालले थाइल्यान्डविरुद्ध कीर्तिमानी रन बनाएको छ।
त्रिवि क्रिकेट मैदानमा टस जितेर पहिला ब्याटिङ रोजेको नेपालले चौधौं ओभरको तेस्रो बलमा कीर्तिमानी ६८ रन बनाएका हुन्। ६८ रन बनाउँदा नेपाली टोलीले पाँच विकेट गुमायो।
थाइल्यान्डविरुद्ध नेपालले बनाएको यो सबैभन्दा धेरै रन हो।
यसअघि २०१९ फेब्रुअरीमा बैंककमा भएको टी२० खेलमा नेपालले थाइल्यान्डविरुद्ध आठ विकेट गुमाएर ६७ रन बनाएको थियो। आजसम्म यो नै थाइल्यान्डविरुद्ध नेपालले बनाएको सबैभन्दा धेरै रन थियो।
आज नेपालका लागि कप्तान इन्दु बर्माले १५ रन बनाउँदा अन्य चार ब्याटरले दोहोरो अंकमा रन बनाउन सकेनन्।
नेपालका लागि कविता कुँवर र बिन्दु रावल अहिले क्रिजमा छन्। १५ ओभरको समाप्तीमा कुँवर र रावल समान १८/१८ रन बनाएर खेलिरहेका छन्। नेपाल अहिले ७० रन बनाएको छ।
माघ १९, २०८१ शनिबार १३:२४:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
