महिला क्रिकेट सिरिजमा नेपालले थाइल्यान्डको सामना गर्दै
काठमाडौं : त्रिदेशीय महिला टी-२० अन्तर्राष्ट्रिय क्रिकेट सिरिजमा नेपालले आज थाइल्याण्डको सामना गर्दैछ।
खेल कीर्तिपुरको त्रिवि क्रिकेट मैदानमा दिउँसो सवा १२ बजेदेखि शुरू हुनेछ। सिरिजमा नेपालले आज आफ्नो दोस्रो खेल खेल्न लागेको हो।
यसअघि बिहीबार भएको आफ्नो पहिलो खेलमा नेपाल नेदरल्यान्ड्ससँग २० रनले पराजित भएको थियो भने शुक्रबार थाइल्यान्डले नेदरल्यान्ड्सलाई आठ विकेटले हराएको थियो।
त्रिदेशीय टी-२० सिरिजमा नेपाल, नेदरल्यान्ड्स र थाइल्यान्ड छन्।
थाइल्यान्ड महिला टी-२० वरीयतामा सबैभन्दा माथि १३औं स्थानमा हुँदा नेदरल्यान्ड्स १६औं र नेपाल २०औं स्थानमा छ।
लिग चरणको अङ्क तालिकामा शीर्ष स्थानमा रहने टोली विजेता बन्नेछ।
माघ १९, २०८१ शनिबार ०७:२१:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
