महिला क्रिकेट सिरिजमा आज नेदरल्यान्ड्स र थाइल्यान्ड भिड्दै

काठमाडौं : काठमाडौंमा जारी महिला त्रिदेशीय सिरिज अन्तर्गत आज नेदरल्यान्ड्स र थाइल्यान्ड भिड्दैछन्।

खेल दिउँसो सवा १२ बजे कीर्तिपुरस्थित त्रिवि क्रिकेट मैदानमा हुँदैछ। थाइल्यान्डले सिरिजमा पहिलो जित खोज्दा नेदरल्यान्ड्स भने दोस्रो जितको खोजीमा रहनेछ।

शुक्रबार भएको सिरिजको उद्घाटन खेलमा नेदरल्यान्ड्सले नेपाललाई २० रनले पराजित गरेको थियो।

जारी प्रतियोगितामा नेपाल सबैभन्दा तल्लो वरीयताको टोली हो। नेपाल महिला टी२० तर्फ २०औं वरीयतामा हुँदा नेदरल्यान्ड्स १६औं र थाइल्यान्ड १६औं वरीयतामा पर्छ।

सिरिजमा तीन टोलीले एकअर्काबीच तीन-तीन खेल खेल्नेछन्। अंकतालिकाको शीर्ष स्थानमा रहेको टोली नै यसको विजेता हुनेछ।

वरीयतामा अगाडि आउनका लागि पनि नेपाललाई यो सिरिजको उपाधि जित्नु अन्यन्तै जरुरी छ।

माघ १८, २०८१ शुक्रबार ०८:१५:२० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।