दिल्लीमा चार तले भवन भत्कियो : १० जना निकालियो, अझै १२ जना भग्नावशेषमै
एजेन्सी : भारतको दिल्लीमा निर्माणाधीन चार तले भवन भत्किँदा कयौं कामदार भग्नावशेषमा फसेका छन्।
सोमबार साँझ भवन भत्किएको भन्दै प्रहरी कार्यालयमा फोन आएको थियो। त्यसपछि घटनास्थलमा प्रहरी र दमकलको टोली पठाइएको थियो।
घटनास्थलबाट १० जनालाई उद्धार गरिएको छ भने भग्नावशेषमा अझै १२ जना फसेको स्थानीय प्रहरीलाई उद्धृत गर्दै भारतीय सञ्चारमाध्यमले जनाएका छन्।
घटनापछि दिल्लीका पूर्व मुख्यमन्त्री एवं आम आदमी पार्टीका नेता अरविन्द केजरीवालले दु:ख व्यक्त गरेका छन्।
यसैबीच दिल्लीका मुख्यमन्त्री आतिशीले भवन भत्किनु निकै दु:खद् रहेको भन्दै राहत र उद्धार कार्य छिटो सम्पन्न गर्न निर्देशन दिएको बताएकी छन्।
माघ १५, २०८१ मंगलबार ०७:५०:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
