अमेरिकामा २० एकडमा लागेको आगो १२ सय एकडमा फैलियो, ३० हजार स्थानीयलाई घर छोड्न निर्देशन
एजेन्सी : लस एन्जलसको जंगलमा लागेको आगो अमेरिकामा फैलिएको छ।
२० एकड क्षेत्रफलमा सुरु भएको आगलागी केही घण्टामै १२ सय एकडमा फैलिएको अमेरिकी सञ्चारमाध्यमले जनाएका छन्।
त्यहाँबाट ३० हजार मानिसलाई बाहिर निकाल्न निर्देशन दिइएको दमकल विभागका प्रमुख क्रिस्टिन क्राउलीले जानकारी दिएको समाचारमा उल्लेख छ।
यस वनको आगलागीबाट १३ हजार भवन जोखिममा छन्।
केही भिडियो फुटेजले प्यासिफिक पालिसेड क्षेत्रका घर नजिकका क्षेत्रहरूबाट बाक्लो धुवाँ निस्किरहेको देखिन्छ।
यसका अलावा त्यहाँ बसोबास गर्ने मानिसहरु आफ्नो घर र सवारीसाधन छोडेर भागेक समेत छन्।
आगलागीसँगै क्यालिफोर्नियामा लाखौं मानिसहरूका लागि चेतावनी जारी गरिएको छ भने आगो अझै फैलिने खतरा समेत छ।
पुष २४, २०८१ बुधबार ०७:३९:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
