आजदेखि पानी पर्ने सम्भावना टर्यो, मौसम सुधार हुँदै जाने

काठमाडौं : शुक्रबार रातिदेखि बदली भएको मौसम आजदेखि सुधार हुँदै जानेछ। जल तथा मौसम विज्ञान विभाग, मौसम पूर्वानुमान महाशाखाका अनुसार आज बिहानदेखि मौसम क्रमशः सुधार हुँदै जाने जानकारी गराएको हो। 

विभागका मौसमविद् सञ्जीव अधिकारीका अनुसार हिजो राति देशभर बदली रहेको र पश्चिम नेपालका केही ठाउँमा वर्षा भएको थियो। 

उनले कालीकोट, डडेलधुराका केही स्टेसनमा १० मिलिमिटरभन्दा बढी पानी परेको बताउँदै कर्णाली र सुदूरपश्चिम प्रदेशमा अन्य प्रदेशमा भन्दा बढी पानी परेको सुनाए। हिजो लुम्बिनीका केही क्षेत्रमा हल्का पानी परेको भन्दै हुम्लासहित हिमाली क्षेत्रमा बाक्लो हिउँ परेको थियो। 

महाशाखाका अनुसार अहिले देशभर साधारणतयादेखि पूर्णतया बदली रहेको छ। देशका उच्च पहाडी तथा हिमाली भूभागका केही स्थानमा हल्का हिमपातका साथै सुदूरपश्चिम, कर्णाली र लुम्बिनी प्रदेशका थोरै स्थानमा हल्का वर्षाको सम्भावना तर, मौसम सुधारोन्मुख रहेको जनाइएको छ।  

पुष १४, २०८१ आइतबार ०८:५२:२३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।