कर्णालीलाई २ विकेटले हराउँदै जनकपुर एनपिएलको फाइनलमा
काठमाडौं : नेपाल प्रिमियर लिग एनपिएलमा आज भएको खेलमा जनकपुर बोल्ट्सले कर्णाली याक्सलाई पराजित गरेको छ।
बिहीबार भएको क्वालिफायर-२ मा जनकपुरले कर्णालीलाई दुई विकेटले पराजित गर्दै फाइनल पुगेको हो।
आजको खेलमा कर्णालीले जनकपुरलाई १ सय १९ रनको लक्ष्य दिएको थियो।
टियू क्रिकेट मैदानमा टस हारेर ब्याटिङको निम्तो पाएको कर्णालीले निर्धारित २० ओभरमा ९ विकेट गुमाएर १ सय १८ रन बनाएको थियो। जनकपुरले १९ ओभरको खेलमा ८ विकेट गुमाएर जित हात पारेको हो।
सुदूरपश्चिमले क्वालिफायर १ मा जनकपुरलाई आठ विकेटले हराउँदै फाइनलमा स्थान पक्का गरेको थियो। यो खेलमा हार बेहोरेसँगै जनकपुरले फाइनलमा भिड्न अर्को अवसर पाएको थियो।
कर्णालीले भने इलिमिनेटरमा चितवन राइनोजलाई २१ रनले पराजित गर्दै क्वालिफायर २ सम्म आएको थियो।
उपाधिका लागि जनकपुरले र सुदूरपश्चिम रोएल्सबीचको फाइनल शनिबार हुनेछ।
पुष ४, २०८१ बिहीबार १६:२४:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
