एनपीएलमा आज समूह चरणको अन्तिम खेल हुँदै, कर्णाली र सुदूरपश्चिम भिड्ने

एनपीएलमा आज समूह चरणको अन्तिम खेल हुँदै, कर्णाली र सुदूरपश्चिम भिड्ने

काठमाडौं : नेपाल प्रिमियर लिग (एनपीएल) टी२० क्रिकेटमा आज लिग चरणको अन्तिम एक खेल हुँदैछ।

विहान नौ बजे कर्णाली याक्सले क्वालिफायरमा पुगिसकेको सुदूरपश्चिम रोयल्ससँग खेल्दैछ।

आजको खेलले कर्णालीको भाग्य निर्धारण गर्नेछ। आजको खेल ठूलो अन्तरले हारे कर्णाली बाहिरिन्छ भने जिते कर्णाली सिधै प्लेअफमा पुग्नेछ।

आइतबार भएको खेलमा काठमाडौं गुर्खाजले विराटनगर किङ्सविरुद्ध रोमाञ्चक जित हासिल गरेर प्लेअफ सम्भावनालाई जिवितै राखेको छ।

दुईबीचको प्लेअफ सम्भावना नेट रनरेटमा आधारमा तय हुनेछ।

जितसँगै काठमाडौं सात खेलबाट आठ अंक जोड्दै अंकतालिकाको पाँचौं स्थानमा छ।

शीर्ष चारभित्र रहेका सुदूरपश्चिम रोयल्स र जनकपुर बोल्ट्सको समान १० अंक छ भने चितवन राइनोज र कर्णाली याक्सको समान आठ अंक छ।

चितवनले नेट रनरेटका आधारमा प्लेअफमा स्थान बनाइसकेको छ।

पुष १, २०८१ सोमबार ०७:३१:०४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।