प्रचण्ड मन्त्रिपरिषद् नवौँ पटक विस्तार, कांग्रेसबाट थपिए तीन जना मन्त्री
प्रधानमन्त्री पुष्पकमल दाहाल प्रचण्डले मन्त्रिपरिषद् विस्तार गरेका छन्।
बुधबार दिउँसो बसेको सत्तारुढ गठबन्धन दलको बैठकपछि कांग्रेसबाट धनराज गुरुङ, मोहनबहादुर बस्नेत र डिगबहादुर लिम्बू मन्त्री बनेका छन्।
गुरुङलाई कानुन न्याय तथा संदीय मामिला, बस्नेतलाई स्वास्थ्य तथा जनसंख्या र लिम्बूलाई युवा तथा खेलकुद मन्त्री बनाइएको छ।
योसँगै प्रचण्ड मन्त्रिपरिषद् नवौँ पटक विस्तार भएको छ तर पनि मन्त्रिपरिषद्ले पूर्णता पाइसकेको छैन।
गुरुङ स्याङ्जा २ बाट एमालेकी पद्या अर्याललाई हराउँदै प्रतिनिधिसभा सदस्य निर्वाचित भएका थिए भने बस्नेत सिन्धुपाल्चोकबाट निर्वाचित सांसद हुन्।
त्यस्तै लिम्बूले मोरङ क्षेत्र नम्बर १ बाट एमालेका घनश्याम खतिवडालाई पराजित गरेका थिए।
वैशाख २०, २०८० बुधबार १७:१४:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
