थ्रीस्टारले गुमायो शीर्ष स्थानमा पुग्ने मौका, साहुखल पेनाल्टीमा चुके
शहीद स्मारक 'ए' डिभिजन लिगमा शुक्रबार दोस्रो स्थानको थ्रीस्टारले एनआरटीसँग पराजय भोगेको छ।
एनआरटी १-० गोलअन्तरले विजयी भयो। हारपछि हारपछि थ्रीस्टारले शीर्ष स्थानमा उक्लने अवसर गुमाएको छ ।
एन्फा कम्प्लेक्स सातदोबाटोमा एनआरटीलाई जित दिलाउन सञ्जीव विष्टले ३७औं मिनेटमा निर्णायक गोल गरे।
थ्रीस्टारका सन्तोष साहुखलले पेनाल्टीमा गोल गर्न सकेनन् । ३५ औं मिनेटमा साहुखलले पेनाल्टीलाई पोस्टको दिशा दिन सकेनन्।
जितपछि एनआरटीले १३ खेलबाट १६ अंक जोडेको छ र ऊ आठौँ स्थानमा उक्लिएको छ। यो उसको चौथो जित हो।
थ्रीस्टारको भने १३ खेलबाट २२ अंक छ ।
शीर्ष स्थानमा रहेको जावलाखेलको भने १२ खेलबाट २३ अंक छ।
वैशाख १५, २०८० शुक्रबार १८:०७:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
