रवि र स्वर्णिमले लिए शपथ, उपेन्द्र भने अनुपस्थित
२ वर्ष अघि
प्रतिनिधिसभा उपनिर्वाचनबाट विजयी भएका रास्वपाका दुई सांसदले शपथ लिएका छन्।
सांसदद्वय रवि लामिछाने र स्वर्णिम वाग्लेले पद तथा गोपनीयताको शपथ लिएका हुन्। उनीहरूलाई प्रतिनिधिसभा कानुन समितिको हलमा आज बिहान सभामुख देवराज घिमिरेले शपथ गराए।
वैशाख १० गते सम्पन्न प्रतिनिधिसभा सदस्यको उपनिर्वाचनमा लामिछाने चितवन-२ र वाग्ले तनहुँ-१ बाट निर्वाचित भएका थिए।
बारा क्षेत्र नम्बर २ बाट निर्वाचित जसपा अध्यक्ष उपेन्द्र यादव भने काठमाडौँ बाहिर रहेकाले उनको शपथ ग्रहण पछि गरिनेछ।
वैशाख १५, २०८० शुक्रबार १२:१९:१६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
